Chalo ab so jaao
Ab andhkar se dar kaisa
Raat yahi bitaani hai
Kal suraj uge na uge
Apni to yahi kahani hai
Cafeene par jaise taise
Bas khud ko zinda rakhna hai
Fir ghar ko wapas jakar
Sar us takiye par rakhna hai
Raat me kal office ki chinta
Sote waqt mathe par aani hai
Apne ko to bas do baatein
Khud ko ye samjhani hai
Dekho ab tum bandh chuke ho
Is changul me ab fas chuke ho
Jo thoda bahut samay haath me hai
Use yun na ab vyarth gavaao
Chalo ab so jaao
_______
Kal fir wahi 12-14 ghante kaam ke
Unme bhi 10 minute na araam ke
Ghanto baith kamar tudwani hai
Sahab ki sookhi roti khani hai
Office se nikalte waqt
Do batei khud ko samjhani hai
Dekho ab tum bandh chuke ho
Is changul me ab fas chuke ho
Jo thoda bahot samay haath me hai
Use yun na ab vyarth gavaao
Chalo ab so jaao
SAGAR